Arrestim në Partesh për armëmbajtje pa leje, konfiskohet pistoletë me municion

Gjilan – Policia e Kosovës ka arrestuar një person në Partesh nën dyshimin për mbajtje të paautorizuar të armës, pas një incidenti të raportuar në mbrëmjen e 17 prillit 2026 rreth orës 21:30.

Sipas njoftimit, i dyshuari mashkull kosovar, nën ndikim të alkoolit, ka ofenduar anëtarët e familjes së tij. Pas pranimit të informatës se ai posedonte armë zjarri, njësitë policore kanë ndërhyrë dhe gjatë kontrollit kanë konfiskuar një pistoletë me dy karikatorë dhe 22 fishekë të kalibrit 7.62 mm.

Lidhur me rastin është njoftuar prokurori kompetent, ndërsa i dyshuari është ndaluar për procedura të mëtejme hetimore njoftoi policia e Kosovës./rajonipress/