Arrest shtëpiak për Gordana Sllavkoviqin

Gjilan – Gjyqtari i procedurës paraprake i Departamentit të Krimeve të Rënda të Gjykatës Themelore në Gjilan Ilmi Dalipi duke vepruar sipas kërkesës së Prokurorisë Themelore në Gjilan, ka vendosur masën e arrestit shtëpiak prej një (1) muaji për Gordana Sllavkoviqin.

Sipas vendimit e pandehura Gordana Sllavkoviq(1952) nga Kërmijani i Ranillugut dyshohet se ka kryer veprën penale “dhënia ose marrja e ryshfetit”.

Të pandehurës i është tërhequr vërejtja të mos largohet nga shtëpia-banesa e saj, sepse në të kundërtën ndaj saj mund të caktohet paraburgimi.

Pas vlerësimit të të gjitha shkresave bashkangjitur me kallëzimin e Njësisë së Hetimeve të Policisë në Rajonin e Gjilanit, deklaratat e të pandehurës dhënë në polici si dhe dëshmitë e dëshmitarëve, në bazë të cilave vërtetohet se ekziston dyshim i bazuar se e pandehura në fjalë ka kryer veprën penale e cila i vihet në barrë thuhet në vendimin e gjykatësit të procedurës paraprake./rajonipress/