Armend Zemaj: Gjuetia qeveritare po vazhdon me largimin nga puna të personelit shëndetësor

Zemaj ka thënë se në vend që të shpërblehen punonjësit shëndetësor për angazhimin në pandemi, Qeveria i shpërbleu me mos vazhdimin e kontratave.

Sipas tij, sa më shpejtë duhet të gjendet zgjidhje për pakënaqësitë e profesionistëve shëndetësorë.“Kosova është i vetmi vend në botë që të gjithë të angazhuarit në kohën e pandemisë i lë në rrugë, pa asnjë përgjegjësi morale ndaj tyre. Në vend që të shpërblehen për gjithë mundin dhe sakrificën për gjatë gjithë kohës së luftimit me pandemi, Qeveria si shpërblim vendos mos vazhdimin e kontratave të tyre. Kjo qeveri, mbi 1,200 punonjës shëndetësorë po i privon nga e drejta për të ofruar shërbimin e nevojshëm ndaj qytetarëve. Gjuetia qeveritare ndaj personelit dhe profesionistëve shëndetësor duke i denigruar dhe duke i larguar ata nga puna, është largim edhe nga vendi. Qeveria në afat sa më të shkurtër duhet të gjejë zgjidhje për ta”, potencoi Zemaj për Front Online.

Shpërndaje.
© RAJONIPRESS