Armëmbajtje pa leje në Gjilan, konfiskohen disa armë dhe qindra fishekë

Gjilan – Më 15 prill 2026 rreth orës 18:50, në rrugën “Ibrahim Popovci” në Gjilan, Policia e Kosovës ka realizuar një kontroll në shtëpinë dhe objektet përcjellëse të një të dyshuari mashkull kosovar, ku janë gjetur dhe konfiskuar disa armë dhe municion.

Gjatë kontrollit, autoritetet kanë sekuestruar dy pushkë gjuetie me leje të skaduar, një pistoletë po ashtu me leje të skaduar, si dhe një pistoletë dhe një pushkë ajrore me leje valide. Përveç armëve, janë konfiskuar edhe 435 copë fishekë të kalibrave të ndryshëm.

I dyshuari është intervistuar nga organet kompetente dhe, me vendim të prokurorit, është liruar në procedurë të rregullt, ndërsa rasti është iniciuar si “armëmbajtje pa leje” njoftoi policia e Kosovës./rajonipress/