Armando Sadiku sërish shënoi

Sulmuesi shqiptar shënoi dy gola në fitoren e FC Thun ndaj ekipit të Zurichut në elitën e futbollit zviceran. Armando Sadiku sërish shënoi për Luganon.

Berat Sadiku ka shënuar dy golat e vetëm për skuadrën e tij, FC Thun e cila mposhti skuadrën e njohur të FC Zurichut me rezultatin 2:1.

27 vjeçari u aktivizua në minutën 62 të ndeshjes, kurse në minutat 81 dhe 84 gjeti rrugën e golit për ekipin e tij. Në radhët e Zurichut u paraqit Berati tjetër, Xhemshiti i cili luajti gjatë tërë ndeshjes në repartin e mbrojtjes.

Sulmuesi shqiptar nga Shkupi me pasaportë finlandeze, deri më tani në 13 paraqitje ka shënuar 5 gola për skuadrën e tij.

Nga futbollistët e tjerë shqiptar, Amir Abrashi luajti 80 minuta për Grasshoppersin i cili u mposht në shtëpi nga Young Boys Bern (0:1).

Kristian Nushi dhe Muhamed Demiri kanë luajtur titullar për St Gallenin, i cili fitoi në fushën e Lausannes (0:3). Të dy u zëvendësuan në minutën 61.

Kur jemi te futbolli zviceran në kategorinë e dytë apo Challenge League, Armando Sadiku shënoi një gol në fitoren e Luganos ndaj Wohlenit (2:1). Sadiku deri më tani ka shënuar 5 gola në 6 paraqitje këtë stinor.