Armando Duka, 1 milionë për De Biazin

Kualifikimi historik i Shqipërisë për në Euro 2016 ka parë si protagonist të madh edhe trajnerin ton De Biazi, i cili nuk e ka të sigurt të ardhmen.

Trajneri i kuqezinjve e mbyll kontratën aktuale pas përfundimit të Evropianit në Francë, ndaj ka kohë që diskutohet për të ardhmen e tij.

Presidenti i Federatës Shqiptare të Futbollit, Armand Duka, nuk është mjaftuar me 200 mijë euro premi për kualifikimin, por i ka bërë edhe një ngritje shumë të madhe kontratës së re të De Biazit, sipas Sportal.al, transmeton Indeksonline.

Kështu, italiani do të ketë një rritje prej 60%, çka do të thotë 800.000 euro nga kontrata e re. Vendimi është marrë tashmë dhe është aprovuar edhe nga Komiteti Ekzekutiv i Federatës.