Armando Broja i hapur për një kalim te West Ham

Ylli i Chelseat, Armando Broja është i gatshëm të bëjë një udhëtim të shkurtër nëpër Londër për t’iu bashkuar West Hamit këtë verë, sipas mediumit britanik, Express.

Shqiptari bëri përshtypje si i huazuar te Southampton sezonin e kaluar dhe West Ham tashmë ka filluar bisedimet fillestare me Chelsean për një lëvizje të mundshme për të riun.

20-vjeçari shënoi gjashtë herë për Saints sezonin e kaluar dhe West Ham ende nuk e ka zgjidhur enigmën e sulmuesit.

Broja është i interesuar për të vazhduar të luajë futboll si startues pasi ka shijuar aksionin e Premier League për Southampton sezonin e kaluar.

Dhe West Ham mund të jetë gati të nisë një ofertë hapëse prej 30 milionë funteve, transmeton Gazeta Express.

Shqiptari është i përgatitur të vlerësojë të gjitha ofertat që vijnë për të këtë verë, me West Ham-in që shihet si një nga kryesuesit pasi Broja mund të qëndrojë në Londër.

Megjithatë, ka interes edhe nga Napoli, edhe pse kjo mund të varet nga e ardhmja e Victor Osimhen.

Por, Chelsea mund të jetë i frikësuar për t’ia shitur një rivali dhe largimi i Romelu Lukaku madje mund ta detyrojë Brojën të futet në planet e Thomas Tuchel sezonin e ardhshëm.

Gjermani pritet t’i japë një shans të huazuarit të vitit të kaluar në fazën përgatitore, me Conor Gallagher, Billy Gilmour dhe Broja që të rikthehen të gjithë.

Dhe me Chelsea që pranoi ta dërgojë Lukakun në një huazim për një sezon te Interi, pozicioni nr.9 është liruar edhe një herë. /Gazeta Express/