Arifi merr autorizime shtesë

Gjilan – Këshilltarët komunal në Viti i kanë dhënë autorizimin kryetarit të Vitisë që të negociojë për këmbimin e pronës komunale e cila menaxhohet nga AKP-ja.

Këshilltarët komunal në Viti në seancën e fundit kanë debatuar për pika të rëndësishme që lidhen me pronat shoqërore, pasqyrat financiare ,mbrojtja e mjedisit etj.

Në këtë seancë nuk është aprovuar kërkesa e LDD-së për të zëvendësuar në Komitetin për Politikë dhe Financa dhe për përfaqësim të saj me një anëtar në këtë grup punues.

Ndryshe këshilltarët komunal kanë propozuar vendimin për autorizimin e Kryetarit të Komunës së Vitisë për fillimin e negociatave për këmbimin e pronës komunale me pronën shoqërore e cila menaxhohet dhe administrohet nga Agjensioni Kosovar i Privatizimit (AKP).

Gjithashtu asamblistët kanë folur edhe për pasqyrat financiare të buxhetit komunal për periudhën janar-mars 2012.

Në seancën e katërtë të Kuvendit në Viti këshilltarët kanë propozuar edhe ndryshimin e rregullores për mbrojtjen e mjedisit të komunës së Vitisë dhe shqyrtimin e planit të punës të zyrës së informimit për periudhën janar-dhjetor 2012.

Këshilltarët gjithashtu kanë vendosur edhe për caktimin e lokacionit për ndërtimin e monumentit përkujtimor për: Sahit Goranin,Zukë Zukën dhe Balë Ahmetin në ngastrën kadastrale 1090-0 ZK ,Gërmovë. Të gjitha pikat janë aprovuar me shumicë votash./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).