UBT

Arifi: Kërkesat e ShBA-së kanë qëllim përshpejtimin e procesit integrues të Kosovës

/ 4 minuta lexim
Fundamenti

Profesori universitar Dritëro Arifi, ka thënë për Ekonomia Online se kërkesat e Shteteve të Bashkuara të Amerikës nda Kosovës kanë për qëllim përmbushjen e zotimeve që dalin nga procesi dialogues, në mënyrë që të përshpejtohet anëtarësimi i Kosovës në Bashkim Evropian.

Arifi ka thënë se këto thirrje janë që të dyja vendet, Kosova dhe Serbia, të lëvizin tutje në zbatim të marrëveshjeve.Ai ka shtuar se zotimet që kanë bërë të dyja vendet në procesin e dialogut janë bërë obligime ligjore nga BE-ja.

“Thirrjet që po bëhen nga BE-ja e sidomos nga ShBA-ja janë për të lëvizur tutej, vendet duhet ti zbatojnë marrëveshjet që janë zotur për të lëvizur tutje. Tashmë është edhe obligim ligjor për secilin vend, po për Serbinë është aprovuar më herët në Këshillin e Ministrave që të gjitha marrëveshjet e nënshkruara apo të zotuara në Bruksel duhet të zbatohen nëse dëshiron Serbia të ec tutej drejt BE. E njëjta gjë do të vlen edhe për Kosovës, siç ka thënë BE do të behët një grup special për të bërë të njëjte gjë. Një farë mënyrë nuk ka opsione të tjera përveç zbatimit të marrëveshjes, atë që po thotë SHBA është për të përshpejtuar procesin ndoshta edhe të anëtarësimit të Kosovës në shumë mekanizmat të botës perëndimore. Sepse nëse e humbin rastin dhe mundësin mund të mbesim peng i shumë pazareve të tjera që mund në ndodhin në kontinentin e Evropës. Këtë shqetësim e kanë ndërkombëtarët që të mos mbesim një far lloj pazari për gjëra të tjera”, ka thënë ai.

Arifi ka thënë se Qeveria e Kosovës ose nuk është duke dëshiruar që të kuptoj ose nuk po e kupton që kompromiset nënkuptojnë bashkëpunim.

UBT

“Po vërehet që qeveria e Kosovës ose nuk po dëshiron me kuptuar ose nuk e ka kuptuar që kompromiset nënkuptojnë bashkëpunim. Bashkëpunimi është që nëse ti jep diçka në kuptim e atij kompromisi, jep diçka pak por merr shumë. Pra esenca është për të fituar me shumë, e fitimi më i madh është se shtetësia e Kosovës, subjektivitet në skenën e botës perëndimore mund të lëvizë më hapa më të shpejt se sa mund të paramendoj nëse e kemi koordinimin e unifikuar në objektiva të përbashkëta. Përndryshe atëherë mund të mbesim të izoluar në këtë formë siç jemi dhe të gëzohemi që jemi të pavarur”, u shpreh ai.

Njohësi i proceseve integruese ka theksuar se marrëveshjet duhet të zbatohen në formë unilaterale dhe jo në mënyrë të sekuencuar.

Sipas tij, nëse Kosova zbaton marrëveshjet për të cilat është zotuar, ShBA-ja e BE-ja do të përshpejtojnë proceset e anëtarësimit në BE, e sidomos në NATO.

“Ato marrëveshje po behën obligative, po vërehet që BE po i bënë obligative ligjërisht të obligueshme për secilin vend. Kjo po i bie që marrëveshjet duhet të zbatohen në formë unilaterale, jo në mënyrë të sekuencuar, atë që po dëshiron BE-ja është se vendi i cili i zbaton më shpejt marrëveshjet duhet të ec tutje drejt integrimit të BE-së. Në këtë rast Kosova e ka edhe një breng që po dëshiron që të përshpejtoj anëtarësimin e saj në NATO. Nëse ne po themi në mënyrë të koordinuar bashkpunohemi dhe arrin disa objektiva, atëherë jam i bindur që partneret tanë, SHBA e BE do të në përshpejtojnë disa procese sidomos në NATO, që është një proces që varet nga disa vende”, ka thënë ai për EO.