Ardian Nuhiu: Në Podujevë na pret një ndeshje e vështirë, por kemi adutet tona

Trajneri i Dritës, Ardian Nuhiu, në konferencë për gazetarë, ka deklaruar se skuadra e tij është e përgatitur në mënyrë maksimale për ndeshjen e nesërme kundër Llapit.

“Ndeshja e nesërme pritet të jetë e fortë kundër një skuadre me cilësi, por skuadra jonë është në një moment të mirë, me rezultate pozitive dhe duhet të shfrytëzojmë këtë moment”, tha fillimisht trajneri Nuhiu.

“Kemi analizuar kundërshtarin, ata kanë shumë cilësi realisht por edhe ne kemi forcat tona. Pres një ndeshje të fortë, një përballje të këndshme, sepse këtë do të na mundësojë edhe fusha. Kemi marrë të gjitha masat, kemi futbollistë lider brenda skuadrës, me përvojë dhe janë të vetëdijshëm që duhet menaxhuar në mënyrën më të mirë këtë fund të kampionatit. Ata e dijnë që nuk duhet të gabojnë, nëse duam të jemi në hap me rivalët tanë drejt titullit”.