Ardian Foniqi, zyrtari ligjor që për vite me radhë i shërben administratës dhe qytetarëve të Gjilanit

Gjilan – Ardian Foniqi është një nga zyrtarët e përkushtuar të Komuna e Gjilanit, i cili prej vitesh kontribuon në funksionimin dhe zhvillimin e administratës komunale ka shkruar Elbasan Shabani duke e çmuar punën dhe kontributin e Foniqit.

Ai ka filluar punën në administratën komunale në vitin 2008 në Drejtorinë për Kadastër dhe Pronë. Më pas ka vazhduar angazhimin në Drejtoria e Administratës së Përgjithshme, duke ushtruar detyra të ndryshme në Shërbimin e Kuvendit, në Qendrën për Shërbim me Qytetarë si ushtrues detyre i shefit, si dhe në sektorin e Gjendjes Civile.

Gjatë karrierës së tij administrative, sipas autorizimeve të ish-drejtorëve Nazim Gagica dhe Doruntina Hasani, ai ka ushtruar edhe detyrën e ushtruesit të detyrës së drejtorit të kësaj drejtorie, duke mbajtur përgjegjësi të rëndësishme në menaxhimin e proceseve administrative. Po ashtu ka qenë ushtrues detyre i udhëheqësit të Sektorit për të Drejtat e Njeriut në kuadër të Zyrës së Alban Hyseni.

Foniqi ka mbajtur edhe një sërë rolesh të tjera institucionale, si zyrtar kontaktues me programin e USAID për kontratën sociale, zyrtar për konsultime publike, menaxher i rreziqeve financiare, kryetar i komisionit të ankesave në Drejtorinë për Kulturë, Rini dhe Sport, si dhe anëtar i komisionit disiplinor dhe i komisioneve të tjera komunale.

Një nga arritjet e tij të veçanta lidhet me periudhën kur shërbeu si ushtrues detyre i shefit të Qendrës për Shërbim me Qytetarë, kur kjo drejtori u shpall drejtoria më e mirë në nivel vendi në vitin 2014. Ndërkaq, në vitin 2023 ai është vlerësuar si zyrtari më i mirë i vitit në Komunën e Gjilanit nga komisioni përkatës vlerësues.

Po ashtu, si anëtar i komisionit për performancë gjatë viteve 2016-2017, ai kontribuoi që Komuna e Gjilanit, në bashkëpunim me DEMOS dhe Ministria e Administrimit të Pushtetit Lokal, të përfitojë mbi gjysmë milioni euro shpërblim për performancën institucionale.

Aktualisht, Ardian Foniqi ushtron detyrën e zyrtarit ligjor në Drejtorinë e Administratës së Përgjithshme, ku merret me procedurat ligjore që lidhen me ndërrimin e emrit dhe mbiemrit, korrigjimin e të dhënave personale dhe regjistrimin e lindjeve dhe vdekjeve me vonesë.

Ai është gjithashtu kryetar i komisionit përkatës dhe përgatit mendime profesionale dhe përgjigje për kërkesat e qytetarëve dhe institucioneve të tjera shtetërore.

I njohur për seriozitetin, korrektësinë dhe komunikimin e mirë me qytetarët, Foniqi konsiderohet një nga zyrtarët që me përkushtimin dhe profesionalizmin e tij kontribuon çdo ditë në forcimin e administratës komunale dhe në ofrimin e shërbimeve sa më cilësore për qytetarët e Gjilanit./rajonipress/