Gjilan –Me ardhjen e mërgimtarëve, e që në rajonin e Gjilanit është shumë i madh rritet edhe konsumimi i ujit thotë Mumin Morina.
Mumin Morina drejtor teknik në kompaninë rajonale “Hidromorava” tha për rajonipress se aktualisht në qytetin e Gjilanit nuk ka reduktime të ujit përkundër vapës së madhe dhe kërkesës ekstreme për furnizim me ujë.
Sipas tij në kohën e ardhjes së mërgimtarëve në Gjilan,që është një numër shumë i madh, rriten edhe kërkesat e konsumimit të ujit. Morina tha se ende ka keqpërdorues të ujit e që kjo shkakton probleme në furnizimin e përgjithshëm.
Qyteti i Gjilanit aktualisht furnizohet nga katër pika: Penda e Përlepnicës,Guri i Hoxhës,Baja, dhe Velekinca. Morina tha se kushtëzimi që është bërë nga ana e Kuvendit Komunal ka dhënë efekt pozitivë edhe pse borxhe të trashëguara ka ende.
Morina tha se serbët e fshatit Shillovë janë integruar mirë dhe atje pagesa e shfrytëzimit të ujit nga ana e konsumatorëve është e kënaqshme.
Borxhi i përgjithshëm që konsumatorët gjilanas i kanë kompanisë “Hidromorava” arrin në mbi 4 milion euro , kurse vetëm serbët kanë një borxh prej 250 mijë eurove tha Morina./rajonipress/
