“Arbëria” e kandidon Shefqet Ajetin për këshilltar komunal nga radhët e AAK-së

Gjilan – Dy nëndegët e lagjes “Arbëria” që janë në radhët e AAK-së kanë votuar në mënyrë unanime që kandidat për këshilltar komunal të jetë Shefqet Ajeti profesor i gjuhës shqipe.

Ardian Foniqi tha për rajonipress se dy nëndegët e AAK-së, unanimisht kanë votuar që kandidat për këshilltar nga radhët e AAK-së, në lagjen “Arbëria” të jetë profesori i gjuhës shqipe Shefqet Ajeti, njëherit edhe kryetar i nëndegës “Arbëria” 3.

Profesorit i dëshirojmë suksese në zgjedhjet e 22 tetorit, dhe AAK po hyn në garë me një kandidat më të mirë nga të gjitha partitë politike nga lagja “Arbëria”.

“Presim që edhe kandidati për kryetar të komunës të jetë befasues siç ka deklaruar kryetari Rexhep Kadriu. Çdo kënd qe kryetari Rexhep Kadriu e kandidon për këshilltar komunal pa konsultimin e nëndegës më të fuqishme nga të gjitha partitë nga lagja “Arbëria”, për ne do të jetë jo legjitim dhe i papranueshëm nga dy nëndegët e Aleancës për Ardhmërinë e Kosovës” tha Ardian Foniqi./rajonipress/