Arbër Ismajli: Jemi të përkushtuar në punë, e korrektësi, në raport me nevojat e qytetarëve

Gjilan – Performanca e drejtoreve këto 30 ditë len me kuptue për një përkushtim në punë dhe korrektësi në raport me nevojat e qytetarëve. “Jemi duke i përmbyll shumicën e punëve të mbetura si pasojë e fushatës dhe shtyrje të punëve të reja, sepse qëllimi ynë është që qytetari të jetë pushteti e ne shërbëtorët” thotë Arbër Ismajli nënkryetar i komunës së Gjilanit.

Ardhja e Arbër Ismajlit në pozitën e nënkryetarit të komunës e ka dinamizuar punën në qeverisjen komunale.

Ismajli po tregohet komunikues, bashkëpunues dhe transparent në raport me publikun, opozitën, shoqërinë civile dhe mediet.

Madje, Ismajli shpesh edhe bëhet vetëkritik dhe pranon ngecjet e dobësitë, por edhe punët e mira dhe avancimin e shërbimeve.

Ismajli me kompetenca të plota pa asnjë problem mund të quhet zot shtëpie, meqë i njeh mirë problemet dhe i trajton ato me dinjitet dhe saktësi.

Por cili është opinioni dhe vlerësimi i Arbër Ismajlit për këtë periudhë të shkurtër të qeverisjes. Çfarë ka gjetur ai dhe çfarë pret të ndryshojë në aspektin pozitiv.

Arbër Ismajli nënkryetar i komunës thotë për rajonipress se top prioritetet e kësaj qeverisje janë: zgjerimi i daljeve të qytetit, lumi Mirusha, përfundimi komplet i tij, përfundimi i stadiumit modern të qytetit, rregullimi i infrastrukturës në qytet dhe fshatra, kolektori i ujërave të zeza etj!

“Performanca e drejtorëve këto 30 ditë len me kuptue për një përkushtim në punë dhe korrektësi në raport me nevojat e qytetarëve. Jemi duke i përmbyll shumicën e punëve të mbetura si pasojë e fushatës dhe shtyrje të punëve të reja, sepse qëllimi ynë është që qytetari të jetë pushteti e ne shërbëtorët” tha Ismajli.

Ismajli tha se jemi aktiv në monitorimin e projekteve të rëndësisë së veçantë siç janë QKMF-ja, Stadiumi i qytetit, Rruga e Ferizajit, projektet e shumta në infrastrukturë, gjithashtu jemi në takime të rregullta me Kompanitë publike si Tregu, Kosovatransi dhe partneri ynë “Eko – Higjiena”, monitorim i vazhdueshëm i projekteve të ndërtimeve të larta, monitorim i vazhdueshëm i produkteve ushqimore nëpër qendra tregtare e biznese të ndryshme të mesme përmes inspektorëve tanë.

“Nesër gjithashtu në bashkëpunim të plotë me institucionet fillojmë pastrimin e deponimeve të egra në qytet dhe fillimi i mbjelljes së parqeve të vogla në shumë pjesë të qytetit dhe fshatra, gjithashtu jemi në finalizim të tri projekteve të mëdha për tri parqe, Parku i Bajës, Parku i Fushës së Pajtimit dhe Parku të Livadhet e Arapit” tha Ismajli./rajonipress/