Arbër Emini ka një mesazh për shqiptarët që po festojnë me Listën Serbe

Kllokot – “Shqiptarët që po festojnë krah Listës Serbe duhet ta dinë një gjë të thjeshtë: nuk po festoni një fitore, po festoni humbjen e dinjitetit tuaj. Po festoni me strukturat që historikisht kanë punuar kundër shqiptarëve, kundër shtetit të Kosovës dhe kundër të ardhmes së fëmijëve tuaj ka shkruar Arbër Emini.

Postimi i plotë:

Ata që sot u gëzohen këtyre rezultateve nuk po tregojnë mençuri politike, por harresë. Harresë për vuajtjet e popullit tuaj, për sakrificat e fshatit tuaj për Liri, për padrejtësitë dhe për çdo gjë që e ka sjellë këtë vend deri këtu.

Askush s’ju kërkon të jeni heronj, por minimalisht të mos bëheni vegël në duart e atyre që u tallën me ne për dekada.

Sot festoni. Nesër do ta kuptoni se çmimin e këtij ‘gëzimi’ e paguan i gjithë komuniteti shqiptar në Mogill dhe Kllokot, sepse ju i hapët derën që dikush tjetër të vendosë për fatin tuaj.
Mos u bëni shembull i turpit.

Reflektoni. ”Mjaftë është Mjaftë! Nuk do të lejojë që fati i shumicës në Mogill dhe Kllokot të jetë në duart e disa “shqiptarëve” dhe listës serbe.

Bashkohuni me mua. Dita kur do të dalim faqebardhë nuk është e largët; ajo po afrohet shumë shpejt./rajonipress/