Arbër Emini i vetëm, por me forcë titanike po qëndron përballë strukturave paralele serbe

Kllokot – Arbër Emini po vazhdon ta sfidojë kompletë një strukturë mafioze e kriminale të strukturave paralele serbe në Kllokot. I pandalshëm dhe me një forcë titanike, po depërton në çdo familje shqiptare për të bindur që të votojnë për njeriun e shpresës e kthimit të madh.

Edhe pse është kandidat i pavarur, me një mbështetje solide edhe të subjekteve tjera politike shqiptare në Kllokot, Arbër Emini, po e vazhdo betejën e tij për ta fituar çdo zemër shqiptare në Kllokot.

Përkundër pengesave serioze që po i shkaktojnë strukturat paralele serbe, të përkrahura nga ndonjë shqiptar aty këtu, Arbër Emini po tregon se ka shpirt luftaraku dhe me një fuqi titanike, po ecë përpara me agjendën e tij për të ardhur në krye të parit të Kllokotit.

“Kam përvojë me këto prapaskena dhe nuk brengosem shumë, pavarësisht se po më marrin kohë këto lojëra. Nuk jam i vetëm sepse kam pas vetës shumë familje shqiptare, që po e përkrahin strategjinë time, e cila i dedikohet kryesisht të ardhmes së një Kllokoti, me një qeverisje profesionale e të dëshmuar” tha Emini për rajonipress.

Ndryshe, Arbër Emini mendon se me ardhjen e tij në krye të Kllokotit, do të ndryshonte komplet mentaliteti qeverisës./rajonipress/