Arben Kurteshi poet e krijues i madh, artikulues joshës dhe brilant në mesazhet e tij

Gjilan – Arben Kurteshi po merr epitete nga më të ndryshmet për punën e tij brilante në fushën e krijimtarisë poetike, letrare e artistike, duke u treguar një misionar dhe vizionar për të ardhmen. Poezitë e Arben Kurteshit ashtu sikurse mesazhet e tij vazhdojnë të prekin zemrat e shumë mërgimtarëve, vazhdojnë ta ngacmojnë ndjenjën e çiltër e të pastër të shumë krijuesve anembanë trojeve shqiptare. Andaj Arben Kurteshi vazhdon të ofroj poezi brilante dhe vazhdon të jetë poet i madh. Kurteshi mbetet vlera më e ëmbël e krijuesve mërgimtar sepse ai eci vetëm, pa ndihmën e askujt..por mbrapa e kishte lexuesin e vëmendshëm e të dashur që e ndoqi kudo që ishte. Lexoni edhe komente të tjera të thëna nga krijues me zë në Shqipëri, të shkruara e komentuara nga krijues shqiptarë që Arbenin e njohën përmes poezive të tij të shkruara e thurura artistikisht dhe me një bukuri të pastër të fjalës shqipe.

Tefik Selimi: Ai këtë mall e përjetësoi në veprën e tij “Tingujt e zemrës”, e cila vepër po e sheh dritën e botimit në atdheun e lirë”. Kjo vepër poetike është një “tufë” poezish lirike, të vargjeve që reflektojnë për prirjet e fuqishme të poetit, i cili, ndonëse i ri, poezia është vokacion i parë i tingujve të zemrës. Poezia e autorit ka artikulim të lehtë. Është plot pasion. Ka zë artikulues joshës. Është poezi që shprehet me anë të vargjeve, të cilat burojnë nga thellësia e zemrës. Kjo është dashuria platonike e poetit mërgimtar, e cila dashuri shprehet nga zemra e tij për ta parë e dashur atdheun e lirë.
Autori, Arben Kurteshi është një misionar dhe vizionar për të ardhmen kishte shkruar ish arsimtari i autorit i gjuhës shqipe tani i ndjerë Tefik Selimi.

Ndërsa Xhevahir Cirongu do të shkruaj: Duke hedhur vështrimin gjithë krijimtarisë së këtij krijuesi, vërejta disa dukuri të veçanta specifike në mënyrën e të shkruarit nga dora e një letrari premtues, i cili e ngjiz fjalën artistikisht duke i dhënë vlera stilistike – letrare, e si rrjedhojë vargjet poetike e veshin mantelin e bukurisë së fjalës shqipe.

Kurse Lefter Spiro thotë se pena e tij është e artë.
Ai me ndjenja të pastërta e me shije të larta artistike ka mundur të prekë ndjenjat tona si lexues dhe me mjeshtëri të na afrojë e të na bëjë që ta duam e ta respektojmë, njëherazi t’i urojmë vetëm suksese.

Po ashtu Dedë Deda ka shtuar se shpirti i madh i këtij autori bën thirrje në çdo varg, autori din shumë bukur të përcjelli dhimbjen e nënave që sakrifikuan për të na rritur. Poeti Arben Kurteshi ka një penë të mirëfilltë, herë shprehet me dashuri në vargje, e herë na kujton dhimbjet që kombi ynë ka kaluar ka shkruar Deda.

”Shumë bukur …të gjitha poezi brilante njëra më tërheqëse se tjetra. Suksese të mëtejshme autorit … Respekte nga Lina Malvataj.

Edhe Florida Shkurta do të shprehet: Urime dhe suksese poet i madh Arben Kurteshi, një mëmëdhetar që tregon një dashuri të madhe për mëmëdheun dhe e shpreh nëpërmjet poezive të tua brilante. Edhe njëherë urime dhe suksese pa fund ka shkruar Florida Shkurta.

”Të gjitha poezitë i kam lexuar, komentuar, e vlerësuar. Është një poet i madh dhe i uroj suksese në vazhdim në krijimtarinë e tij” ka shkruar Majlinda Mekshi./rajonipress/