Aprovohet Statuti i ri, pa votat e opozitës

Gjilan – Me 24 vota për, 10 kundër dhe një këshilltar ka munguar është aprovuar statuti i ri i Kuvendit Komunal. Seanca e sotme është përshkruar me tone e debate kritikuese mes pozitës dhe opozitës.

Në seancën e së enjtes me shumicë votash është aprovuar Statuti i ri i Komunës së Gjilanit. Seanca është përshkruar me tone akuzuese mes pozitës dhe opozitës.

Pas debateve të gjera për kanë votuar 24 këshilltar, 10 kundër PDK e VV dhe një këshilltar ka munguar.

Ndryshe me statutin e ri risi është Komiteti për bashkëpunim ndërkufitar. Gjithashtu në statutin e ri është paraparë që numri i Komiteteve, si trupa të përhershme, profesionale dhe këshillëdhënëse të Kuvendit Komunal, të jetë 12. Pos atyre ekzistuese, janë shtuar Komiteti për barazi gjinore, Komiteti për bashkëpunim ndërkufitar dhe Komiteti konsultativ i ekspertëve të planifikimit hapësinor. Komitetet, në radhët e veta mund të kenë anëtar edhe jashtë Kuvendit të Komunës, por ata duhet të kenë përvojë adekuate profesionale, varësisht nga komiteti ku emërohen.

Ndërkaq te drejtoritë, si pjesë e pushtetit ekzekutiv, ka reduktime. Kultura shndërrohet në Njësi, ndërsa Inspekcioni bashkohet me drejtorinë e Urbanizimit. Të tjerat mbeten siç kanë qenë deri tani.

Numri i zyrave rritet në 12, meqë shtohet Kabineti i kryetarit, Njësia për Kulturë dhe Zyra për Preshevë, Medvegjë e Bujanoc. Zyra e deritashme e Avokatit të Komunës bashkohet me Zyrën Ligjore. Përgjegjësitë e personalit të Kabinetit të kryetarit, përfundojnë baskë me mandatin e kryetarit. Deri tani nuk ka qenë kështu./rajonipress/