Fundamenti

Anulohet takimi i përfaqësuesve të Luginës me Beogradin zyrtar

/ 2 minuta lexim

Qëllimi i takimit në fjalë kishte të bënte për tejkalimin e problemeve të krijuara rreth tensionimit të fundit të gjendjes pas një varg akuzash të kreut shtetëror serb në adresë të lidershipit shqiptarë të Luginës bashkë me kërcecimet e Beogradit për heqjen e Lapidarit të Dëshmorëve të UÇPMB-së nga qendra e Preshevës, njofton agjencia e lajmeve “Presheva Jonë”.

Ndonëse, sipas burimeve shqiptare gjatë ditës së sotme ka qenë e paraparë të takohen në Beograd, përfaqësuesit politikë dhe institucionalë të shqiptarëve të Luginës së Preshevës me përfaqësuesit e Qeverisë së Serbisë, me zotimin dhe ndërmjetësimin e OSBE-së, takimi në fjalë është anuluar për t`u mbajtur, bëjnë të ditura burime të këtij portali.

Fidanishtja

Për takimin në fjalë mes përfaqësuesve politikë dhe institucionalë të Luginës dhe të Beogradit zyrtar, ndonëse nën organizimin e OSBE-së, shumica e përfaqësuesve politikë dhe institucionalë shqiptarë i kishin pas marrë ftesat nga zyrtarët e OSBE-së, madje duke konfirmuar pjesëmarrjen, ndonëse nuk dihej se kush do të përfaqësojë Qeverinë e Serbisë.

Bazuar në burimet shqiptare dhe të organizatorit qëllimi i takimit te ketë qenë tejkalimi i problemeve të krijuara rreth tensionimit të fundit të gjendjes pas një varg akuzash të kreut shtetëror serb për heqjen e Lapidarit të Dëshmorëve të UÇPMB-së nga qendra e Preshevës.