Ansambli “Gjilani” fitues i çmimit të parë në festivalin “N`konak të Rahovecit kënga shqipe na bashkon“Rahovec 2022”

Gjilan – Kam kënaqësinë te ju informojë se “Ansambli Gjilani “ne Festivalin e këngës popullore “N`konak të Rahovecit kënga shqipe na bashkon“Rahovec 2022”, nga juria profesionale u shpall fitues me çmimin e -I-re, gjithashtu çmimet si: • Orkestra më e mirë, • Lumturije Shabani – Solistja më e mirë, • Elona Sadiku dhe Lumturije Shabani – Dueti më i mirë.

Ansambli ynë u paraqit me një potpuri këngësh nga : Qemajl Musliu, Adnan Leka, Afrim Haziri, Nehat Ferati, Eroll Ahmeti, Meti Maloku, Elone Sadiku, Lumturije Shabani, Eronite Qerimi, Finesa Selimi, Dea Shabani, dhe Gramos Daku, shoqëruar nga orkestra profesionale të prirë nga Murat Ismajli dhe aranzhimet e Burhan Azizi.

Në emër të Ansamblit falënderojmë të gjithë pjesëtarët e Ansamblit për kontributin dhe angazhimin e tyre të pa kursyer, gjithashtu falënderojmë organizatoret Prof. Naser Dula, për bujarinë dhe pritjen e jashtëzakonshme, shpresojmë që ky festival me shumë vlera të vazhdoje traditën në kultivimin e këngës popullore, gjithashtu falënderojmë pjesëtarët e Ansamblit të cilët me vet kontribut po vazhdojnë t`i ruajnë dhe kultivojnë vlerat dhe traditat tona kombëtare, duke shpresuar që institucionet komunale, por dhe ato qendrore do të gjejnë forma për mbështetje në kultivimin e vlerave të mirëfillta kulturore, që artistet tanë të rinj të kenë motivimin që të vazhdojnë ruajtjen dhe kultivimin e këtyre vlerave të shenjta ka shkruar Nehat Ferati, kryetar i Ansamblit “GJILANI”./rajonipress/