Angela Merkel është “gruaja më e fuqishme në botë”, sipas revistës Forbes

Kancelarja gjermane, Angela Merkel, është zgjedhur si gruaja më e fuqishme në botë, nga revista e famshme Forbes për vitin e nëntë që kandidon.

Udhëheqësja gjermane kryesoi listën e Forbes të këtij viti të grave më të fuqishme në botë, e ndjekur afër nga Christine Lagard dhe Nancy Pelosi.

Merkel u vlerësua për ‘rezervën e saj të qëndrueshme’ dhe politikën e saj për refugjatët ‘duke ua lënë derën e hapur’ e cila pa më shumë se një milion refugjatë sirianë të hyjnë në vendin e saj mes krizës së migrantëve në vitin 2015, transmeton Telegrafi.

Ajo drejtoi partinë e qendrës së djathtë të CDU-së për 18 vjet, nga 2000-2018.

Ajo shpesh është përshëndetur si ‘udhëheqëse de fakto e Bashkimit Evropian dhe madje edhe si udhëheqëse e botës së lirë’.

Koha e saj në detyrë pritet të marrë fund në vitin 2021, me Merkel që synon të tërhiqet në kohën e zgjedhjeve të ardhshme federale në Gjermani.

Kjo do ta bënte atë kancelaren e dytë me shërbimet më të gjata në republikën federale të Gjermanisë, pas Helmut Kohl.

Në vendin e dytë në listë është Christine Lagarde, e cila u bë gruaja e parë që kryesoi Bankën Qendrore Evropiane (ECB) më 1 nëntor.

Kryetarja e Dhomës së Përfaqësuesve të SHBA-së, Nancy Pelosi, doli në vendin e tretë në listë.

Këtë vit ajo inicioi procedurën e katërt të hetimit në histori, kundër presidentit të SHBA-së, Donald Trump.

Këtë vit u panë 23 gra të reja në listën e Forbes, duke përfshirë aktivisten e klimës adoleshenten Greta Thunberg, e cila u rendit në numrin 100. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).