Andi Hoti kompleton transferimin te 1. FC Magdeburg

FC Magdeburg ka nënshkruar me Andi Hotin nga Interi, por ky i fundit ishte i huazuar në SC Freiburg II sezonin e kaluar.

Andi Hoti ka nënshtetësi zvicerane dhe të Kosovës, ku ka mbrojtur ngjyrat e Përfaqësueses së Kosovës për të rinj.

Mbrojtësi i kaloi vitet e tij të para në futbollin e të rinjve në FC Volketswil, FC Bauma dhe FC Zurich.

Në janar 2020, ai kaloi te Interi U17. Promovimi në ekipin U-18 pasoi në vjeshtën e të njëjtit vit. Ai luajti 41 ndeshje (dy gola, një asist) dhe tre ndeshje në Uefa Youth League për ekipin e të rinjve të Interit. Ai ishte gjithashtu u shpall kampion italian i të rinjve me Interin.

Në verën e vitit 2022, Andi Hoti u huazua te SC Freiburg II në divizionin e 3-të.

Për të ishte eksperienca e parë në futbollin e të rriturve. Ai zhvilloi 23 ndeshje (një gol, një asistim), ku skuadra e tij Freiburg II përfundoi si e dyta.

Qendërmbrojtësi ka tetë paraqitje për Kosovën U21. /Telegrafi/