Ambasada e Amerikës apel kosovarëve të vaksinohen, për të mbrojtur veten dhe komunitetin

Ambasada e Amerikës në Kosovë ka bërë thirrje për vaksinim, duke bërë me dije se kjo është mënyra më e mirë për të mbrojtur veten, familjen dhe komunitetin.

Në publikimin e Ambasadës, ndër të tjera, theksohet se kur të përfundojë donacioni i paraparë i Amerikës për shpërndarjen e vaksinave në Kosovë do të sillen gjithsej mbi 700 mijë doza.

“Por vaksinat funksionojnë vetëm nëse individët vaksinohen. Prandaj, ju lutemi të vaksinoheni, për të mbrojtur veten, familjet tuaja dhe komunitetin tuaj. Së bashku ne mund të mposhtim COVID-19”.

Duhet përkujtuar që tani për tani në vend janë afro 20 mijë raste aktive të të prekurve me koronavirus. /Zëri/