Altin Zeqiri shkëlqen me dy gola dhe dy asistime në fitoren spektakolare të Rizesporit

Altin Zeqiri ishte protagonist absolut në fitoren e thellë të Rizesporit ndaj Goztepes, në kuadër të javës së 36-të të Superligës së Turqisë, ku skuadra e tij triumfoi me rezultat bindës 6-3 në një ndeshje me shumë gola dhe emocione.

24-vjeçari Zeqiri u inkuadrua në lojë në fillim të pjesës së dytë dhe ndryshoi rrjedhën e takimit. Ai kontribuoi me dy gola dhe dy asistime në suksesin e rëndësishëm të Rizesporit.

Fillimisht, në minutën e 50-të, ai asistoi për golin e epërsisë 3-2, të realizuar nga Ali Sowe. Në minutën e 62-të, Zeqiri realizoi vetë për 4-2.

Ai vazhdoi me një tjetër asistim për golin e pestë të ekipit të tij, ndërsa vetëm dy minuta më pas shënoi edhe golin personal të dytë, që vulosi rezultatin përfundimtar 6-3.

Zeqiri tashmë ka regjistruar gjashtë gola dhe tre asistime në 30 paraqitje gjatë këtij edicioni në elitën turke.

Pas kësaj fitoreje, Rizespori ngjitet në kuotën e 43 pikëve dhe pozicionohet në vendin e 13-të të tabelës. /Telegrafi/