Aliu: Faleminderit për besimin, për respektin dhe për shpresën. Zëri juaj do të jetë gjithmonë udhërrëfimi im

Viti – Nëse më besoni votën, ju premtoj se do ta mbroj me ndershmëri, guxim dhe dashuri për njerëzit, duke mos harruar kurrë nga vij dhe për kë flas ka shkruar Lirie Aliu.

Postimi i plotë:

Të dashur qytetarë,

Kanë mbetur vetëm edhe pak orë deri te zgjedhjet e 28 dhjetorit. Çdo shtrëngim duarsh dhe çdo përkrahje gjatë kësaj fushate, e kam ndjerë si besim, e besimi është përgjegjësi.

Po ju drejtohem sot si bijë e këtij vendi, si njeri mes njerëzve të vet. Me përulësi, po ju kërkoj edhe një herë votën tuaj.

Familja Aliu ka dhënë shumë për këtë vend në arsim, kulturë dhe jetë shoqërore.

Po aq, familja ime Ramadani nga Pogragja ka dhënë gjithçka që ka pasur, deri te sakrifica më e madhe, gjakun për lirinë dhe dinjitetin e këtij vendi.

Këto nuk janë fjalë për lavdi, por përgjegjësi që bartet brez pas brezi.

Nëse më besoni votën, ju premtoj se do ta mbroj me ndershmëri, guxim dhe dashuri për njerëzit, duke mos harruar kurrë nga vij dhe për kë flas.

Faleminderit për besimin, për respektin dhe për shpresën. Zëri juaj do të jetë gjithmonë udhë rrëfimi im.

Me zemër

#LDK123

#LirieAliu75