Albina Rrahmani në prova te Duisburgu

Prishtinë – Futbollistja e Prishtinës, Albina Rrahmani për disa ditë do të testohet te skuadra e Duisburg 2, që garon në Kategorinë e tretë të Gjermanisë.

Ajo në prova te Duisburg 2 shkoi me rekomandim të ish-futbollistes së Duisburgut, Geldona Morina. “Me rekomandim të ish-futbollistes së Duisburgut në prova do të paraqitet Albina Rrahmani.

Ajo është shqiptare 24-vjeçare që luan në mbrojtje. Aktualisht është futbolliste e Prishtinës në Kosovë”, shkruan ueb faqja “drewesten.de”.

Futbollistja tjetër e Prishtinës, Qëndresa Krasniqi pritet të provohet te skuadra gjermane, Turbine Potsdam./koha/