Albina C. në gjyq për vjedhje të kamerave milionëshe

E veçanta e kësaj vjedhjeje, sipas medieve gjermane është se kamerat kanë përfunduar në Televizionin publik shqiptar, ku edhe sot janë në shfrytëzim!

Albina C., një shqiptare 39 vjeçe me banim në Greqi po gjykohet nga gjykata e Landit e Munihut për pjesëmarrje në një vjedhje të profilit të lartë. Ajo akuzohet se ka marrë pjesë në vjedhjen e kamerave në shitoren speciale Cine+Media GmbH në Munih, me ç`rast janë vjedhur kamera dhe pjesë rezervë me vlerë prej 2.2 milionë eurosh.

E veçanta e kësaj vjedhjeje, sipas medieve gjermane është se kamerat kanë përfunduar në Televizionin publik shqiptar, ku edhe sot janë në shfrytëzim!

Aksioni i vjedhjes ka ndodhur më 8 gusht 2011. E gjendur në bankën e zezë, Albina thotë se krejt çfarë ka bërë ajo është se, pa dijen e saj, ka ndihmuar tre meshkujt e akuzuar për vjedhjen. Dy prej tyre janë duke vuajtur burgun ndërsa shefi i bandës, Klaudjo i mbiquajtur “Piccolino” ndodhet në arrati.

Sipas mendimit të trupit gjykues, Piccolino ka lidhje të mira me televizionet shqiptare të cilat kanë nevojë te ngutshme për teknikë moderne. Ndërsa ai e di me saktësi se ku mund të vjedhë gjëra të tilla.

Klaudjo kishte angazhuar dy profesionistë për grabitje: Besnik S. dhe Hito G.(me pseudonimin “Maxi”). Ndëesa mikeshn e asokohshme të Maxit, Albina C. e kishte angazhuar si shofere dhe si karrem. Para vjedhjes, Albina C. duhej të paraqitej në firmën e përmendur të kamerave si një afariste, për të pyetur nëse kamerat e dëshiruara ndodheshin në depo ose jo.

E akuzuara e pranon para gjykatës se “Piccolino interesohej vetëm për kamerat e caktuara”. Natën e vjedhjes ajo kishte vozitur kamionin, ndërsa meshkujt kishin kryer vjedhjen dhe kishin bërë ngarkesën.

Dy vjedhësit, Maxi dhe Besniku janë duke vuajtur dënimin me nga 5 vite burg në Gjermani. Albina C. është arrestuar në Athinë, në vitin 2012 kur dhe është ekstraduar për në Gjermani.(albinfo)