Albëria: Akoma jam e re

Alberie Hadërgjonaj shumëherë është folur për pamjen e saj, pasi gjithmonë shfaqet shumë energjike dhe rinore, aq sa duket se vitet për të nuk ikin.

Nëse bëhet fjalë për ndonjë ndërhyrje kirurgjike që tashmë është bërë mjaftë e zakonshme jo vetëm tek personalitetet publike, këngëtarja në fjalë vazhdon ta mohoj se nuk ka ndonjë ndërhyrje estetike në trupin dhe fytyrën e saj.

“Ndërhyrjet kirurgjike estetike tashmë janë bërë tabu tek ne, mirëpo e vërteta është se unë përveçse e trajtoj lëkurën time, sapo kam mbushur 37 vjet dhe mendoj se akoma jam e re për të bërë ndonjë ndërhyrje kirurgjike estetike”, transmetojnë mediat shqiptare të ketë thënë Hadërgjonaj.

Në fushën e këngës, Albëria vazhdon të jetë mjaftë e angazhuar me projekte të reja muzikore me të cilat do të prezantohet gjatë festave të fundvitit. /Indeksonline/