Alban Hyseni, kryetar i skandaleve dhe i dembellëkut

Nga Kushtrim Kadriu – Gjilani eksperimentoi në zgjedhjet e fundit duke zgjedhur për kryetar një djalë të ri e të papërvojë, i cili nuk bënë as për kryetar klase e lëre për mu shumë. Që eksperimenti dështoi kjo tashmë po shihet në çdo hap e në çdo sferë. Gjilani, praktikisht nuk ka kryetar, nuk ka udhëheqje.

Komuna e Gjilanit, prejse është bërë me udhëheqje të re (tash e tetë muaj) nuk përmendet për asgjë që ia vlenë. Atë e gjenë vetëm në rubrikat e zeza të portaleve, me skandalet e saj. Kryetari, shkeli ligjin pothuajse në çdo hap të tij. Duke mbetur peng i një vote në kuvendin komunal, si pasojë e huqjeve politike të tij, ai shkeli ligjin disa herë. Së pari, bëri marrëveshje të jashtëligjshme me AKR- në.

Dy herë e shkeli ligjin me thirrjet publike në kulturë; pastaj shkeli ligje kur bëri kontrata në vepër, derisa dikur ato i quante kontrata të jashtëligjshme; shpalli konkurse, të cilat më vonë i anuloi. Pothuajse çdo veprim që ndërmori, i doli anti- ligjor.

Ky kryetar me padijen e tij, me mosnjohjen as elementare të punëve e komunës, me mosguximin e tij është shndërruar në sprovë të madhe për Gjilanin. Qeverisja e Gjilanit, sikurse edhe ajo e Kosovës, është e mpirë, nuk ka guxim e as plan për t’i dalë përballë problemeve të shumta mëdha e të vogla që kërkojnë zgjidhje emergjente. Alban Hyseni, njëjtë sikurse kryetari i tij Albin Kurti, veç llaf janë, kurrgjë më shumë.

Që të dy erdhën në pushte me fjalë të mësuara përmendësh e pa asnjë kuptim, ndërsa tani kur e morën pushtetin dhe kur problemet duan zgjidhje, këta rrinë si të mpirë. Herë fshihen si struci me kokën në vrimë e prapanicën jashtë, e herë mundohen që për mossuksesin e tyre të fajësojnë pararendësit e tyre.

E dimë që Alban Hyseni i ka rënë pishman që ka kandiduar për kryetar të komunës, por s’kemi çka i bëjmë. Kur nuk mundesh me ba punën për të cilën je zgjedhur, nuk është marre me dhanë dorëheqje.