Alban Hyseni injoron masakrën e Llovcës, djali i dëshmorit e quan turp?

Gjilan – Jam shumë i zhgënjyer dhe të fyer që asnjë zyrtar komunal nuk doli ta nderoj masakrën e Llovcës. Ky është një turp dhe një gjest i rëndë për vet Alban Hysenin i cili në vend se ta nderoj këtë ditë të veçantë për ne, e injoroi masakrën shprehet Sami Xhelili.

Sami Xhelili më 5 prill pati dhimbje e mërzi të dyfishtë. U ndje i turpëruar dhe i zhgënjyer që askush nga Komuna e Gjilanit nuk doli ta nderojnë e respektojë masakrën e Llovcës. “Nuk e kam të qartë vërtet pse kjo komunë guxon të veprojë kështu, duke shkelur mbi gjakun e dëshmorëve” tha Samiu i cili është jetimë dhe ka të vrarë prindin në masakrën e Llovcës.

Reagimi i plotë i Samiut:

Me këtë postim iu drejtohem të gjithë atyre që kanë harruar masakrën e Llovcës që ndodhi me 5 Prill 1999. Unë si djalë i dëshmorit ndoshta ju e keni harruar se çka ka ndodh ose të them bëheni sikur e keni harruar, dhe s`doni t`ja dini fare për familjaret e dëshmorëve, po kjo që ka ndodhur është një humbje e madhe për neve si familjar, dhe për mua si djalë i dëshmorit.

Të harruar them kështu se kurrë asnjëherë institucionet e larta nuk kanë ardh me e vizituar familjen time dhe shume familje tjera në vendin tim, që kanë nevojë për tu vizituar dhe për tu ndihmuar nga Ju!

Kjo datë e sotit 5 prilli është vdekje e dytë për neve si familjar ! Por ju e keni të them obligim me ardhë e me i vizitue këto familje të paktën një herë në vit. Nuk po kërkoj nga ju ta çoni babin tim nga të vdekurit se kjo s`do të ndodh kurrë, po të paktën ejani na vizitoni se për besë nuk u kushton asgjë ! Turp për juuuuuu…