AKV “Gjilani” për Remzi Lekën: 40 vite zë, shpirt dhe identitet

Gjilan – Në emër të Ansamblit të Këngëve dhe Valleve “Gjilani”, shprehim urimet tona më të përzemërta për këngëtarin e mirënjohur Remzi Leka, me rastin e shënimit të 40-vjetorit të një karriere të ndërtuar me përkushtim, pasion dhe dinjitet artistik.

Katër dekada në shërbim të këngës popullore shqiptare nuk janë vetëm vite pune, por një trashëgimi e gjallë kulturore. Zëri yt ka përcjellë emocione, ka ruajtur identitetin dhe ka lidhur breza të tërë me rrënjët e tyre. Kënga jote është bërë kujtesë, krenari dhe frymëzim për të gjithë ata që e duan artin autentik shqiptar.

Kontributi yt i vazhdueshëm artistik, si dhe përkrahja e çmuar ndër vite për Ansamblin “Gjilani”, kanë lënë gjurmë të pashlyeshme në rrugëtimin tonë të përbashkët. Angazhimi yt ka qenë dhe mbetet vlerë e shtuar për misionin tonë artistik dhe kulturor.

Me mirënjohje të thellë, të urojmë shëndet të plotë, frymëzim të pashtershëm dhe suksese të reja në krijimtarinë tënde artistike.

Me respekt të veçantë,

Ansambli i Këngëve dhe Valleve “Gjilani”