Gjilan – Operacioni i koduar “Shiu” ka kapur në flagrancë një shqiptarë dhe një bullgare të cilët sipas policisë kishin arritur marrëveshje tek parku i qytetit për të kryer marrëdhënie seksuale në këmbim të të hollave.
Policia në Gjilan gjatë një aksioni të koduar “Shiu” ka arritur të prangos një shtetas shqiptarë A.F. (1978) dhe femër shtetase bullgare V.D.(1968), meqë të njëjtit janë kapur në flagrancë , të cilët paraprakisht kishin arritur marrëveshje tek parku i qytetit për të kryer marrëdhënie seksuale në këmbim të të hollave.
Ismet Hashani zëdhënës i policisë tha se ky aksion është mundësuar nga ana e njësiteve të hetimeve kundër trafikimit me qenie njerëzore nga Shtabi Qendrorë që veprojnë në Gjilan për mes aksionit të koduar “Shiu” të cilët kanë bërë një bastisje në hotelin “Shefiki” në Gjilan ku edhe janë kapur ne flagrancë të dyshuarit .
Të dyshuarit janë arrestuar dhe janë paraqitur para gjyqtarit për kundërvajtje me procedurë të përshpejtuar dhe me vendim të gjyqtarit janë ndaluar në qendrën e mbajtjes për 24 orë tha Hashani./rajonipress/
