Aksion pastrimi në Drobesh, komuna e Vitisë intensifikon përpjekjet për mjedis të pastër

Viti – Kryetari i Komunës së Vitisë, Sokol Haliti, së bashku me drejtorin e Shërbimeve Publike, Arton Musliu, si dhe zyrtarë të tjerë komunalë, kanë marrë pjesë në aksionin e radhës për largimin e mbeturinave, në bashkëpunim me kompaninë Eco-Higjiena.

Aksioni është zhvilluar në fshatin Drobesh, përgjatë rrugës që lidh këtë zonë me Sllatinën e Poshtme, ku janë larguar mbeturina të grumbulluara ndërkohë.

Autoritetet komunale theksuan se aktivitete të tilla do të vazhdojnë edhe në zona të tjera, me qëllim përmirësimin e gjendjes mjedisore dhe rritjen e vetëdijes qytetare për ruajtjen e ambientit.

Sipas drejtuesve lokalë, kujdesi ndaj natyrës dhe krijimi i një mjedisi të pastër mbeten ndër prioritetet kryesore të qeverisjes lokale në Viti, duke u konsideruar si element kyç për cilësinë e jetës së qytetarëve./rajonipress/