Aksidentohet një këmbësor në Gjilan

Gjilan – Policia e Kosovës ka njoftuar se një këmbësor është goditur nga pakujdesia në rrugën “Isuf Kiku” në Gjilan nga një veturë Nissan Terrano duke i shkaktuar lëndime të rënda trupore.

Sipas Policisë së Kosovës këmbësori është goditur nga pakujdesia. Menjëherë pas aksidentit viktima shqiptar i cili ka pësuar lëndime trupore është dërguar në QKUK për tretman mjekësor. Nuk raportohet për të arrestuar.

Ndërkohë zëdhënësi i policisë në Gjilan Ismet Hashani tha se të gjitha rrugët lokale dhe rajonale janë të kalueshme. “Rrugët janë në gjendje të mirë dhe nuk raportohet për aksidente. Ne lusim shoferët që të kenë kujdes maksimal gjatë vozitjes, në veçanti natën” tha Hashani./rajonipress/