AKR i shpreh mirënjohje ish kryetarit Rashit Maliqi

Gjilan – Kryesia e AKR-së në takimin e parë të përbërjes së re e ka vlerësuar lartë punën e nëndegëve të AKR-së dhe këshillit për organizimin e zgjedhjeve brenda partisë për përgatitjen e kuvendit të tretë zgjedhor.

Kuvendi është vlerësuar si mjaft mirë i organizuar, ndërsa struktura e re udhëheqëse si mjaft përfaqësuese dhe kualitative. AKR falënderon komisionin komunal zgjedhor dhe mediet për monitorimin e këtij procesi zgjedhor.

Dega e AKR-së në Kamenicë i ka bërë falënderim publik kryetarit të dy mandateve të kaluara Prof. Dr. Rashit Maliqit për punën e bërë në degën e Kamenicës dhe e ka mirëpritur vullnetin e tij për ta ndihmuar edhe më tutje zhvillimin e AKR-së.

AKR po mirëpret anëtarët e rinj që po i bashkohen çdo ditë dhe do të vazhdojë me aktivitetin e saj nëpër nëndegë dhe është në procedurë të themelimit edhe të tri nëndegëve të reja.

Dega e AKR ka filluar punën në përgatitjen e strukturës dhe caktimit të grupeve të ekspertëve me të cilët do të identifikojë të gjitha problemet me të cilat ballafaqohen qytetarët e Kamenicës dhe do të propozojë zgjidhjet për këto probleme. Puna e grupeve të ekspertëve do të përfshihet në programin qeverisës të AKR-së për mandatin e ardhshëm.

Dega e AKR-së përmes grupit të këshilltarëve komunal do të mbështes të gjitha propozimet që janë me interes për qytetarët në Kuvendin Komunal dhe do të jetë opozitë e fuqishme për të gjitha vendimet që bien ndesh me interesat e qytetarëve të Kamenicës.
Kryetari i Degës së AKR-së Fatmir Matoshi./rajonipress/