AKP-ja nuk mund tu’a paguajë mjetet ish-punëtorve të Tubave

As vendimi i Dhomës së Posaçme të Gjykatës Supreme nuk do t’I gëzojë ish-punëtorët e Fabrikës së Tubave, të cilët po e vazhdojnë grevën e nisur tash e pesë ditë, shkruan sot Koha Ditore.

Ata mbeten të vendosur të vazhdojnë grevën derisa mjetet në lartësinë e afro 25 milionë eurove të mos i shohin në llogaritë e tyre bankare.

AKP-ja e ka pranuar të premten vendimin e Dhomës së Posaçme të Gjykatës Supreme të Kosovës në të cilin i jepet të drejt AKP-së të bëjë pagesën nga mjetet që kanë mbetur nga likuidimi I ndërmarrjeve shoqërore. Por, në Agjencinë Kosovare të Privatizimit nuk e kanë ndërmend të marrin vendim në kundërshtim me ligjin për ekzekutimin e pagesës së 25 milionë eurove për ish-punëtorët e Fabrikës së Tubave.

Ligji i AKP-së e pamundëson AKP-në të bëjë pagesa me mjetet që I ka grumbulluar nga privatizimi pa votën afirmative të tre anëtarëve ndërkombëtarë në Bordin e AKP-së. E në Bordin e AKP-së aktualisht janë vetëm dy anëtarë ndërkombëtarë, pasi në muajin prill të vitit të kaluar ishte tërhequr nga Bordi i AKP-së përfaqësuesja e Ambasadës së Amerikë./Koha Ditore/