AKK-ja këtë vit me më shumë se 70 kallëzime kundër korrupsionit, shoqëria civile e pakënaqur

Institucionet e Kosovës thonë se po luftojnë korrupsionin, ndërsa shoqëria civile nuk e sheh një luftë të tillë.

Hasan Preteni, drejtor te Agjencia Kundër Korrupsionit, ka thënë të hënën se këtë vit ka ushtruar kallëzime penale më shumë sesa vitet e tjera.

“Agjencia është duke e realizuar misionin e vet, tek pjesa e luftimit të korrupsionit kemi ushtruar më shumë kallëzime penale se vitin e kaluar, kemi ushtruar kallëzime për lëndë të ndryshme të korrupsionit, por edhe për lëndët që kanë të bëjnë me deklarimin e pasurisë, kundër të gjithë atyre që nuk e kanë deklaruar pasurinë (deklarimi i rregullt, deklarimi me marrjen e detyrës dhe deklarimi me largimin nga detyra) veç i kemi dorëzuar kallëzimet penale tek prokuroritë kompetente, më shumë se 70 kallëzime”, ka thënë ai… (“Koha Ditore”)