AKB: Këtë vit 57% e kosovarëve do të shkojnë në pushime, mjetet do t’i marrin në kredi e huazim

Aleanca Kosovare e Bizneseve (AKB), ka bërë një hulumtim rreth pushimeve verore.

Sipas këtij hulumtimi, rreth 57 për qind e kosovarëve do të shkojnë në pushime verore, ndërsa 24 për qind nuk e kanë planifikuar një pushim të tillë, raporton Ekonomia Online.

Ndërsa përqindja tjetër është deklaruar me ndoshta dhe pjesa tjetër nuk ka marrë pjesë në përgjigje.

Në pyetjen se ku do t’i marrin paratë për të kaluar pushim, 40 për qind e tyre janë përgjigjur nga kursimet, 30 për qind nga kreditë. Ka të atillë që do t’i huazojnë paratë për pushimin veror.