Ajeti vazhdon kontratën me Baselin

Kampioni i Zvicrës, Baseli, ia ka vazhduar kontratën mbrojtësit kosovar, Arlind Ajeti, deri në qershor të vitit 2014, me mundësi rinovimi edhe për dy vjet të tjerë.

Kështu është bërë e ditur të premten në faqen zyrtare të klubit zviceran.

Ajeti 18-vjeçar këtë edicion u bë pjesë e ekipit të parë të Baselit.

Ai Baselit iu bashkua në moshën 11-vjeçare nga FC Concordia dhe që nga ajo kohë i ka kaluar të gjitha nivelet për të arritur deri te ekipi senior. Ajeti është pjesë edhe e U-19 të Zvicrës.