Aida Shtino, autore e emisionit ”Njerëz të humbur” gjatë shtatë viteve në televizion ka ruajtur të njëjtin profil në ekran.
Ditë më parë ka mbyllur sezonin televiziv, për t’u rikthyer sërish në vjeshtë në ekranin e TVSH-së.
Publiku nuk di gjithçka që ndodh në paskuintat e “Njerëz të humbur”, telashet dhe peripecitë që e shoqërojnë në jetën e saj gazetaren.
Dihet se puna në kërkim të personave të humbur ka dhe aksionin e aventurën brenda dhe asaj i ka ndodhur të marrë kërcënime nga persona të ndryshëm.
“Po më ka ndodhur të më kërcënojnë, por jam munduar t’i anashkaloj duke mos u dhënë rëndësi.
Pasi që në fillim kur i kam hyrë kësaj pune, kam marrë gjithçka parasysh, ” ka thene ajo per “Panorama”, duke shtuar se e ka ditur që kjo rrugë do të ishte e vështirë.
