AGPK ndjek me vëmendje rastin Xharra

Asociacioni i Gazetarëve Profesionistë të Kosovës (AGPK) me vëmendje po e përcjell rastin gjyqësor kundër gazetares Arbana Xharra, redaktore e ekonomisë në të përditshmen “Zëri”.

AGPK ka në vëmendje shpejtësinë e jashtëzakonshme me të cilën është proceduar ky rast.

Në padinë ndaj Xharrës, paditësi Bejtush Zhugolli kërkon shumën prej 700 mijë eurove nga gazeta “Zëri”, për tekstin e shkruar nga autorja, me titull “Baballarët e tenderëve”, ku është potencuar se firmat e vëllezërve Zhugolli, si financues të fushatës zgjedhore të PDK-së, gjatë vitit 2009 kanë fituar tenderë njëburimorë në shumë prej mbi 70 milionë euro.

AGPK u bën thirrje institucioneve vendëse dhe ndërkombëtare të drejtësisë për procedim të rastit si çështje civile, e jo penale dhe për vëmendje ndaj procesit thuhet në reagimin e AGPK. /rajonipress/