Agani kërkon në Gjilan aktivist me kulturë të përgjegjshme

Gjilan – Gjatë një vizite që Ferid Agani i ka bërë selisë së PD-së në Gjilan, nga kryesia dhe aktivistët tjerë të PD-së ka kërkuar shtimin dhe shtrirjen e aktiviteteve partiake në mesin e njerëzve me qetësi dhe me një kulturë të përgjegjshme.

Kryetari i PD-së Ferid Agani ka vizituar selinë e PD-së në Gjilan me rastin e hapjes dhe përurimin e selisë së re të PD-së dega në Gjilan. Agani i cili shoqërohej edhe nga dy këshilltarët e tij QehramTelçiu dhe Hysamedin Haxhijaha, është pritur nga kryetarja e degës Sevete Shurdhani e cila ka njohur mysafirët për përpjekjet e konsolidimit që po bënë kjo degë.

Agani nga afër është njoftuar me aktivitetin e kryesisë së re të PD- së në Gjilan, kryesi kjo e dalë nga zgjedhjet e fundit.

Agani në këtë takim ka paraqitur ide në lidhje me koalicionin, zgjedhjet si dhe situatën politike dhe sociale me të cilët ballafaqohemi për çdo ditë. Ministri Agani në vazhdim në bashkëbisedim me kryesinë dhe një grupi të anëtarëve të PD-së dega Gjilan pastaj paraqiti idetë dhe elaboroi mirë çështjen e Ligjit për Shëndetësi si dhe vështirësitë që ka pasur ligji gjatë përgatitjes dhe aprovimit në Parlamentin e Kosovës.

Takimi mes Aganit dhe të ftuarve tjerë ishte mjaft relaksues duke diskutuar edhe për disa çështje që e preokupojnë popullatën e Gjilanit e cila ka lidhje më të afërta miqësie me banorët e Luginës së Preshevës.

Si ministri Agani ashtu edhe kryetarja e degës Shurdhani sqaruan para të pranishmëve për masat emergjente që kishin ndërmarrë Spitali Regjional i Gjilanit dhe MSH-ja lidhur me gjendjen e rëndë të popullit të Luginës së Preshevës. Duke përfunduar këtë vizitë ministri Agani kërkoi dhe këshilloi kryetaren, kryesinë dhe aktivistët tjerë të PD-së për shtimin dhe shtrirjen e aktiviteteve partiake në mesin e njerëzve me qetësi dhe me një kulturë të përgjegjshme. /rajonipress/