Aforizma për kohen tonë

Nga Lisen Bashkurti – Njeriu i uritur nuk është i keq, njeriu i pangopur është i tillë.

– Në jetë nuk është aq e rëndësishme sa shpejt ecën përpara, por me e rëndësishme është që të mos ecësh mbrapa.
– Ruaju nga njerëzit që të japin çadrën në ditë me diell dhe ta marrin në ditë me shi.
– Profesor me vlerë është ai që vlerëson te studentët inteligjencën dhe jo kujtesën e tyre.
– Artin e politikes e zotërojnë dhe e meritojnë ata që bëjnë më shumë sesa premtojmë dhe jo ata që premtojnë më shumë sesa bëjnë.
– Të shumtë janë njerëzit që e dinë fundin e jetës së tyre, por fare të paktë janë ata që e dinë fatin e tyre.
– Në jetë ecim duke shikuar përpara pa marrë parasysh se shumë pengesa na vijnë nga prapa.
– Lajmi më i dëmshëm është gënjeshtra që prodhohet nga propaganda zyrtare, sepse synon të mashtrojë një popull të tërë.
– Përgjegjësia më e madhe e një qeverie është të mbrojë e të lartësojë ndërkombëtarisht imazhin e mirë të vendit të vet, gjë që arrihet me vepra e fakte dhe jo me llafe e propagandë.
– Në dy rrethana testohet më së shumti karakteri i njeriut: kur bëhet i pasur dhe kur vishet me pushtet.
– Thjeshtësia është një virtyt që i ka themelet tek karakteri dhe dituria.
– Arroganca buron nga vaniteti shpirtëror dhe shterpësia mendore.
– Thjeshtësia është një produkt që nuk është në treg, por e blejnë të gjithë.
– Arroganca është një produkt që prodhohet për treg, por nuk e blen askush.
– E keqja në shoqëri nuk eliminohet duke ikur prej mjedisit ku ajo ndodh, por duke ndryshuar mjedisin që ajo të eliminohet.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).