Afera “Pronto” ende nën hetime

Kanë kaluar mbi një vit nga publikimi i aferës së përgjimeve të zyrtarëve të lartë shtetërorë, që tash njihet si afera “Pronto”, por Prokuroria ende nuk e e ka zbuluar s ekush i nxorri ato përgjime në publik.

Të njëjtat përgjime ende janë të qasshme në “youtube” derisa shikueshmëria e tyre,për secilën veç e veç kalon qindra mijëra shikime, që së bashku bëjnë mbi 1 milion.

Misioni EULEX të premten i ka thënë “Kohës Ditore” se ende po e heton këtë rrjedhje informatash, por nuk ka pranuar të bëjë publike më shumë detaje të hetimit.

Në këtë aferë qenë përfshirë Kryeministri Hashim Thaçi, shefi i grupit të PDK-së në Kuvendin e Kosovës, Adem Grabovci, ish-shefi i SHIK-ut, tash zëvendëskryetar i PDK-së, Kadri Veseli, kryetari i Skenderajt, Sami Lushtaku, Ministrja e Integrimeve Europiane, Vlora Citaku, dhe të përfolur kanë qenë edhe Fatmir Limaj e Jakup Kraasniqi.