Adnan Januzaj ka një mesazh për Ryan Giggs

Adnan Januzaj ka falënderuar Giggs për gjithçka që ka bërë për të te ‘Djajtë e Kuq’. Gjatë ditës së shtune, Manchester Unitedi njoftoi se legjenda Ryan Giggs, do të largohet përfundimisht nga klubi, për të shijuar ndonjë aventurë të re.

Ka pasur reagime të shumë lojtarëve, në mesin e tyre edhe Januzaj, i cili e ka falënderuar për mbështetjen që ia ka dhënë atij gjatë gjithë sezoneve. Anësori shqiptar ka shkruar në rrjetet sociale se ka mësuar shumë nga legjenda e ‘Djajve të Kuq’.

“Faleminderit për gjithçka. Për besimin dhe udhëheqjen. Mësova shumë nga ti”, ishin fjalët e Januzajt për Giggs.

Legjenda e Man Utd njoftoi sot se do të largohet nga “Old Trafford”, pas 29 vitesh të kaluara te ky klub. /Express/