Adem Grabovci i pengon hetimet

Shefi i grupit parlamentar të PDK-së ka penguar të enjten tre policë dhe një prokurorë që të kryenin hetime në Kuvendin e Kosovës.

Ata e vizituan kuvendin për të hetuar mbi rrahjen që ndodhi në mes të dy deputetëve të Vetëvendosjes së Albin Kurit dhe PDK-së së Hashim Thaçit.

Prokurori me tre policët, siç shkruan Koha, madje nuk është lejuar as që të bisedoi me katër deputetë e përfshirë në përleshje: Bekim Haxhiu e Latfi Gashi të PDK-së dhe Rexhep Selimi e Florin Krasniqi të Vetëvendosjes.

Sipas raporti informues të Policisë së Kosovës për këtë rast, Adem Grabovci ishte ai që u ka thënë të largohen nga Kuvendi i Kosovës prokurorit Agron Bajrami, hetuesit Naser Sopi dhe dy hetuesve të tjerë.

‘Në hyrje të Kuvendit jemi takuar me shefin e grupit parlamentar të PDK-së, z.Adem Grabovci. Ai na ka thënë: ju lutem lirojeni Kuvendin se nuk kemi nevojë për ju, kur të na duheni do të ju thërrasim”, shkruan në këtë raport policor.

Adem Grabovci mohon se i ka përzënë prokurorin e policët, por konfirmon se ka biseduar me ta rreth incidentit.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).