Adele zbret nga froni

Pronare e albumit më të shitur në Britaninë e Madhe nuk është më flokëkuqja Adele. Në fakt, Emeli Sande e ka tejkaluar atë, kështu që është albumi i saj “Our Version of Events” (Versioni Ynë i Ngjarjeve) ai që i prinë listës së albumeve më të shitura, shkruan portali NME.

Interpretimet gjatë hapjes së Lojërave Olimpike të Londrës ishin shkaku kryesor i rritjes së shitjes për tridhjetë përqind të albumit të saj të parë

“Our Version Of Events”, tregojnë të dhënat e Official Charts Company.

Ndryshe, albumi “Our Version Of Events” është publikuar në muajin shkurt, sivjet është shitur në 660,000 ekzemplarë, që i bie 3,200 më shumë sesa albumi i Adele “21”, i cili është publikuar në muajin shkurt të vitit të kaluar.

Megjithatë, Emeli Sande (emri i parë i së cilës është Adele) ende është larg sukseseve të Adele. Albumi “21” i kësaj të fundit është shitur në 4.4 milionë ekzemplarë vetëm në Britaninë e Madhe, ndërkohë që është albumi i pestë më i shitur në botë i të gjitha kohëve.

Shpërndaje.
© RAJONIPRESS