ADA austriake, UNDP-ja dhe Ambasada Austriake në Kosovë monitorojnë projektet në Viti

Viti – Komunën e Vitisë e kanë vizituar përfaqësues të ADA-së Austriake dhe UNDP-së të cilat janë njohur për së afërmi me disa projekte të cilat janë realizuar në kuadër të programit LDF dhe projektit Interdev 2 në komunën e Vitisë.

Po ashtu gjatë ditës së djeshme është mbajtur edhe një takim pune ku në veçanti është diskutuar mbi çështjet e ambientit si dhe mundësinë e vazhdimit të këtij projekti në Viti.

Gjithashtu në emër të komunës së Vitisë, zv. Kryetari Hasan Aliu, ka ndarë një falënderim për “ADA Coordintion Office”- Prishtinë.

Po ashtu përfaqësuesit e lartpërmendur kanë vizituar një qytetarë nga Pozherani i cili në kuadër të një projekti nga LDF gjatë vitit të kaluar ka qenë përfitues i një pajisje për bluarjen e eshtrave, por edhe përfitues të serrave të cilat janë realizuar në kuadër të programit Interdev 2.

Përndryshe në këtë takim dje kanë marrë pjesë: Edith Mychaleëicz, menaxhere e programit ADA nga Vjena e Austrisë, Sandra Ëibmer, Këshilltare e mjedisit dhe resurseve natyrore ne ADA- Vjenë-Austri, por edhe përfaqësues të tjerë nga Ambasada Austriake në Prishtinë.

Në këtë takim ka marrë pjesë edhe Vlora Elshani, menaxhere e projektit INTERDEV 2 si dhe Pavla Snajdrova nga UNDP./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).