Abrashi: Republika është më e fortë se sa e mendojnë anarkistët

Ministri i Punës dhe Mirëqenies Sociale, Arban Abrashi ka shkrar se “ata që ditën bëjnë thirrje për protesta “paqësore”, natën inspirojnë dhe promovojnë politikisht këto akte, e filluan me vezë, vazhduan me ngjyrë, avancuan me gaz, kurse dje me gurë e mjete tjera të forta”.
Këto komente ai i ka bërë në llogarinë e tij në Facebook, ku ndër të tjera shton se “çfarë nuk do ta arrijnë kurrë, nuk mund të mbjellin frikë, as në institucione as në shoqëri dhe nuk e lëvizin dot orientimin Pro Amerikan të vendit”, transmeton Koha.net.
Abrashi tha se gjatë sulmit të djeshëm, sulmuesit jo vetëm që rrezikuan jetën e tij dhe të shoqëruesit të tij, por edhe të këmbësorëve tjerë.
“Republika është më e fortë se sa e mendojnë anarkistët”, ka përfunduar Abrashi.
http://koha.net/?id=27&l=92685