Abrashi i kënaqur te Freiburg-u

Amir Abrashi, i cili u transferua te Freiburg verën e kaluar, në një bisedë për mediet ndërkombëtare, e cilëson vendimin për të kaluar në Gjermani si më të mirin e karrierës së tij.

“Ky klub është si një familje, atmosfera dhe profesionalizmi këtu më impresionuan. Unë dua të bëj progres dhe mendoj se kjo është e mundur”, ka thënë Abrashi, transmeton gazeta Kosova Sot Online.

Freiburg-u është në vendin e dytë të klasifikimit dhe kandidat kryesor për t’u ngjitur në Bundesliga, por Abrashi kërkon kujdes dhe angazhim maksimal për ta arritur këtë. Gjithsesi Abrashi, që ka një kontratë deri në vitin 2018 me Freiburg-un, nuk e fsheh entuziazmin e tij për ngjitjen në Bundesliga-n e parë, ndërsa shprehet:

“Që i vogël kam qenë një tifoz i Bayern-it, tani që së shpejti mund të jemi rivalë në një kampionat po pres me padurim të luaj përballë tij”, ka përfunduar Abrashi.

(Kosova Sot)